Rreth Nesh – QTA Mitrovicë

Visioni

Vizioni i kompanisë QTA konsiston në rritjen e cilësisë së punës dhe shërbimeve, zgjerimin e asortimentit (gamës) të produkteve dhe shërbimeve në bazë të kërkesave të tregut, rritjen e nivelit të furnizimit dhe shitjes se produkteve, si dhe kyçja në procesin paketimit dhe prodhimit të produkteve.

Misioni

Ne jemi të përkushtuar në ofrimin e vazhdueshëm të produkteve/shërbimeve kualitative dhe me çmimin më të ulët të mundshëm. Për të arritur misionin tonë, ne do të mbështetemi në këto parime; respektimin e ligjit, kujdesin ndaj punëtorëve, kujdesin ndaj klientëve dhe konsumatorëve tanë. Duke realizuar misionin tonë, ne do të arrijmë edhe shpërblimin e duhur për punën dhe mundin tonë

Filozofia

Klientin, vazhdimisht e kemi në qendër të vëmendjes dhe përpiqemi që të sigurojmë besnikërinë e tyre përmes shërbimit më të mirë të mundshëm.
Ne çmojmë Punonjësit tanë dhe mundohemi tu ndihmojmë atyre në arritjen e potencialit të plotë të tyre.
Ne përkrahim Profesionalizmin dhe mundohemi që çdo gjë që bëjmë ta bëjmë me përsosmëri.
Ne bëjmë më të mirën e mundshme për të ndihmuar Komunitetin tonë që vendin ku jetojmë ta bëjmë më të mirë për jetesë, punë dhe rritje.

Historia

Ndërmarrja Tregtare Private “Arjeta” me qendër në Skenderaj, aktivitetin e sajë afarist e ka filluar në vitin 1999, dhe atë në një objekt afarist i cili posedonte vetëm 30m2 sipërfaqe. Fillimisht biznesi identifikohej me emrin “KIKA” dhe aktivitet primar aso kohe kishin shitjen e produkteve ushqimore me shumicë, i cili aktivitet shtrihej vetëm në territorin e Komunës së Skenderajt.

Në vitin 2002 fillon bashkëpunimin me prodhuesit e jashtëm. Fillimisht si distributor i vetëm i autorizuar i Makprogresit për Kosovë i brendit “Vincinni”,kurse vit pas viti Arjeta arrinë bashkëpunimin edhe me brende tjera të cilat kanë emër dhe njihen për kualitet.
Në vitin 2005, NTP “Arjeta” privatizon ish – fabrikën e Plastikës në Skenderaj.
Në vitin 2008 fillon projektin e ndërtimit të objekteve banesore në Skenderaj, të cilin e përfundon në fillim të vitit 2010.
Në nëntor të vitit 2011 hap Qendrën Tregtare “Arjeta” në Skenderaj e cila përfshinë një hapësirë prej 4000m2.
Në nëntor të vitit 2014, hapet Qendra Tregtare e dytë – QTA II në Mitrovicë
Aktualisht, Arjeta posedon depon kryesore me një hapsirë prej 3000m2, QTA I me 4000 m2, dhe QTA II me 3800 m2
Objektin administrativ me 1500 m2, si dhe mbi 220 punonjës.